A Asociación de Empresarios de Vilalba fai un balance moi positivo da Campaña de Nadal 2026, unha iniciativa posta en marcha co obxectivo de dinamizar o comercio local durante unhas datas clave e agradecer a fidelidade da veciñanza.
A campaña incluíu un sorteo en redes sociais dun vale de 100 euros, así como seis vales adicionais de 100 euros, repartidos en dúas fases ao longo das festas: unha no Día de Nadal e outra no Día de Reis, incentivando así as compras tanto antes como despois das celebracións principais.
Un dos datos máis destacados desta edición foi a alta participación, xa que se recolleron máis de 4.000 participacións nos establecementos asociados, unha cifra que confirma o compromiso da cidadanía co comercio de proximidade e a boa acollida da campaña entre a clientela.
Desde a Asociación queremos agradecer tanto ás persoas participantes como aos comercios implicados a súa colaboración e entusiasmo, que fixeron posible o éxito desta iniciativa e contribuíron a crear un ambiente comercial dinámico e atractivo durante todo o Nadal.
Tras este balance tan satisfactorio, desde a Asociación de Empresarios de Vilalba xa estamos a traballar nas vindeiras campañas de dinamización, coa vista posta na que, sen dúbida, é unha das nosas favoritas: a campaña de San Valentín, coa que seguiremos apostando polo comercio local e pola economía de proximidade.
Aquí deixamos a lista de gañadoras da primeira e segunda parte da campaña de nadal 2025:
- NIEVES VILLANUEVA CAMPO
- LUCÍA MILLOR LÓPEZ
- ANAHÍ GONZÁLEZ GÓMEZ
- ÁNGELES BASANTA LÓPEZ
- ANA MARÍA GRAÑA GONZÁLEZ
- MARÍA RAMUDO GAYOSO
