Desde a Asociación informamos da apertura da convocatoria de Axudas LEADER 2026, unha oportunidade especialmente interesante para financiar investimentos empresariais no medio rural.
Estas axudas están dirixidas a persoas autónomas, pemes e emprendedores que queiran poñer en marcha un novo proxecto empresarial ou realizar un investimento para mellorar, ampliar ou modernizar o seu negocio.
As axudas LEADER concédense en réxime de concorrencia competitiva, o que implica que os proxectos presentados serán valorados e ordenados segundo criterios obxectivos establecidos na convocatoria, concedéndose as axudas ata o esgotamento do orzamento dispoñible.
Porcentaxes de subvención
No caso de proxectos empresariais (produtivos), as porcentaxes de axuda adoitan situarse entre o 35 % e o 50 % do gasto subvencionable, en función do tipo de proxecto, o seu impacto e os criterios de valoración aplicables.
Investimentos subvencionables
Entre os gastos que habitualmente poden ser subvencionables nesta liña de axudas inclúense, a modo de exemplo:
- Obras e reformas de locais
- Maquinaria e equipamento novo
- Actuacións de dixitalización, software e páxinas web
- Estudos técnicos e plans de viabilidade
- Licenzas, proxectos técnicos e gastos notariais
- Vehículos afectos exclusivamente á actividade (cos límites establecidos nas bases)
Gastos non subvencionables
Non terán a consideración de gastos subvencionables, entre outros:
- IVE recuperable
- Gastos correntes ou de funcionamento
- Mercadoría destinada á venda
- Maquinaria de segunda man
- Investimentos iniciados antes da presentación da solicitude, agás excepcións moi concretas previstas nas bases
Desde a Asociación animamos ás persoas interesadas que estean a valorar realizar un investimento proximamente a consultar se o seu proxecto pode encaixar no programa LEADER. Ofrecemos orientación inicial e apoio para o contacto co Grupo de Desenvolvemento Rural correspondente.
Para calquera dúbida ou para ampliar información, podedes poñervos en contacto coa Asociación.
Ligazón de interese:
https://sede.xunta.gal/es/detalle-procedemento?codtram=MR701L
