A Asociación de Empresarios Sete Pontes celebrará mañá, xoves 19 de xuño, a súa Asemblea Xeral Ordinaria, que terá lugar no restaurante Montero, ás 20:00 horas en primeira convocatoria e ás 20:30 horas en segunda.
Este encontro, de especial relevancia para a entidade, servirá para facer balance do traballo desenvolvido nos últimos meses, así como para analizar os retos de futuro da asociación. A orde do día da asemblea será a seguinte:
- Benvida do presidente
- Estado e aprobación das contas anuais do ano 2024
- Modificación do logo e dos estatutos
- Actividades realizadas e obxectivos acadados dentro do plan estratéxico no ano 2024
- Orzamentos, plan de actuacións e pasos a seguir dentro do plan estratéxico para o ano 2025
- Rogos e preguntas
- Lectura, se procede, e aprobación da acta
A asociación convoca a todos os seus socios e socias coa vontade de facer balance dos dous primeiros anos de traballo da actual directiva, caracterizados por unha aposta firme pola dinamización do comercio local, a mellora do mantemento do polígono industrial e a planificación estratéxica a medio prazo.
Así mesmo, co obxectivo de fomentar a colaboración institucional e visibilizar o papel do empresariado local, tamén se convidou á asemblea aos representantes dos catro partidos políticos con representación no Concello de Vilalba.
Desde a Asociación de Empresarios Sete Pontes quérese poñer en valor o traballo conxunto como motor de desenvolvemento e progreso para a vila e a comarca.
