Vilalba, dende decembro de 2024, forma parte da Rede de Concellos Emprendedores de Galicia e estas son as bonificacións das que se poden beneficiar as empresas que fomenten novos postos de traballo.
Resumo dos aspectos máis destacados:
Bonificacións no ICIO:
Bonificación de ata o 95% polo fomento do emprego, para obras en locais vinculados a actividades económicas:
- 95% se se crean máis de 20 empregos
- 75% se se crean entre 11 e 20 empregos
- 50% se se crean ata 10 empregos
Os contratos deben ser indefinidos e directos (a tempo completo ou parcial, computando proporcionalmente) e manterse durante, como mínimo, tres anos desde a concesión da licenza de obra.
Bonificacións no IBI:
Por nova implantación ou ampliación de actividade económica con creación de emprego:
- 95% se se crean máis de 20 empregos
- 75% entre 11 e 20 empregos
- 50% ata 10 empregos
Tamén neste caso, os contratos deben ser indefinidos e manterse durante tres anos.
Bonificación adicional no IBI:
As empresas que incorporen sistemas solares térmicos ou eléctricos homologados poderán beneficiarse dunha bonificación do 50% no IBI, sempre que se acade un aforro enerxético mínimo do 30% en enerxía primaria non renovable.
Para máis información, poden consultarse os documentos oficiais que regulan estas bonificacións, dispoñibles a través do correo electrónico:
contacto@poligonoseteopntes.com
Desde a Asociación de Empresarios do Polígono Sete Pontes, animamos a todas as empresas interesadas a informarse e valorar estas bonificacións, que poden supoñer un apoio importante para novos investimentos, ampliacións ou melloras en eficiencia enerxética.
Estamos á vosa disposición a través dos canles habituais de contacto para calquera dúbida.
