O programa Bono Activa Comercio 2025, impulsado pola Xunta de Galicia, estará dispoñible a partir deste mércores 4 de xuño cun investimento de 2,5 millóns de euros.
Esta iniciativa busca dinamizar o consumo no comercio local mediante descontos directos nas compras. Desta maneira, as persoas interesadas poderán descargar un bono dixital de ata 30 euros, que se aplicará automaticamente ao realizar compras nos establecementos adheridos á campaña. Os descontos repartiranse do seguinte xeito:
- Compras entre 20 e 30 euros → 5 euros de desconto
- Compras entre 30 e 50 euros → 10 euros de desconto
- Compras superiores a 50 euros → 15 euros de desconto
Para beneficiarse destes descontos, será preciso rexistrarse na web oficial www.bonosactivacomercio.gal ou na aplicación móbil do programa. Unha vez validado o rexistro mediante SMS, poderase descargar un código QR que haberá que presentar no momento do pago.
O bono descontarase ata acadar o límite de 30 euros por persoa. Como en edicións anteriores, prevese que se esgoten rapidamente debido á alta demanda polo que aconsellamos puntualidade na páxina de descarga para asegurar o teu bono.
Consulta aquí os comercios nos que estará activo o bono comercio.
Quedamos á vosa disposición para calquera dúbida!
