Aberto o prazo da convocatoria 2025 da Consellería de Emprego para apoiar novos proxectos empresariais en Galicia.
A Xunta de Galicia vén de anunciar a nova convocatoria de subvencións ao emprendemento 2025 (código TR880A), unha iniciativa da Consellería de Emprego, Comercio e Emigración destinada a apoiar economicamente a persoas autónomas, pequenas empresas, cooperativas e sociedades laborais que iniciasen unha nova actividade económica na comunidade desde o 1 de xaneiro de 2023.
🗓 Inicio do prazo de solicitude: a partir do 21 de maio de 2025 (8º día natural tras a publicación no DOG do 13/05/2025) e ata o 30 de xuño de 2025, ou ata esgotar o crédito disponible.
📌 Tipo de subvención: en concorrencia non competitiva, o que significa que se concede por orde de entrada das solicitudes completas e correctas, sen baremo de puntos, ata esgotar fondos.
🟢 Quen pode acceder:
- Entre outras, a condición clave é: Terse constituído ou dado de alta, segundo a natureza xurídica da entidade de que se trate, e ter iniciado a súa actividade económica no período que transcorre entre o 1 de xaneiro de 2023 ata a data de presentación da solicitude.
🛠 Investimentos subvencionables (realizados e pagados entre o 1 de xullo de 2024 e a data da solicitude):
• Equipamento informático (excepto móbiles)
• Software e activos intanxibles
• Eficiencia enerxética
• Bens de equipamento e mobiliario
• Reformas no local de negocio
• Gastos notariais e rexistrais (ata 300 €)
• Alugueiro de locais (ata 1.500 €)
💰 Importe da axuda:
• 55 % do investimento (de 5.000 € a 20.000 €)
• 50 % (de 20.001 € a 30.000 €)
• 45 % (de 30.001 € a 60.000 €)
➕ +10 % adicional se o proxecto é unha remuda xeracional (Bono Remuda 2024 – TR353D)
💼 Orzamento total da convocatoria:
• 6.700.000 € (dos cales 6.000.000 € para investimentos e 700.000 € para gastos correntes)
📲 Bases, solicitude e tramitación: exclusivamente online en https://sede.xunta.gal/detalle-procedemento?codtram=TR880A
Para máis información ou apoio na tramitación, as persoas interesadas poden contactar con nós por correo electrónico poligonosetepontes@gmail.com ou chamando ao 628 94 79 18.
